O 15 de decembro, Fundación Banco Santander, Universidade de Santiago de Compostela e Fundación RIA realizaron visitas a diferentes localidades do ámbito do Laboratorio Ecosocial do Barbanza. Aproveitaron para facer un seguimento dos proxectos financiados na primeira fase, cuxa avaliación forma parte dun plan de seguimento que inclúe reunións periódicas e apoio continuo aos promotores das iniciativas por parte das entidades locais, USC e RIA.
Ademais, visitouse a comunidade de Baroña, caso de éxito de aproveitamento multifuncional por parte dunha comunidade de montes en man común. A saída rematou cunha visita a outras comunidades de montes adheridas á segunda fase do Laboratorio Ecosocial do Barbanza e que reciben apoio na planificación da explotación e xestión dos seus territorios.