A xornada terá lugar o mércores 30 de novembro de 19.00 a 20.30 horas no auditorio municipal de Rianxo e a entrada será gratuíta ata completar aforo.
A xornada divídese en tres partes: En primeiro lugar, a intervención de Xesús Balboa (Universidade de Santiago de Compostela) sobre a figura xurídica da propiedade comunal ao longo do tempo. Tras esta primeira intervención, Xavier Simón (Universidade de Vigo) e Rubén Leboreiro (EDAFOTEC) falarán sobre o papel do monte veciñal na actual transición ecolóxica. Para finalizar, e como obxectivo principal da xornada, proporase un debate moderado cos asistentes, para o que se fixo extensiva a invitación a todas as comunidades de montes que participan no Laboratorio Ecosocial do Barbanza.