Durante o último mes, o Fundación RIA e o grupo de investigación Histagra da Universidade de Santiago de Compostela avanzaron conxuntamente no desenvolvemento do Laboratorio Ecosocial do Barbanza, un proxecto financiado pola Fundación Banco Santander que permitirá identificar e promover prácticas de uso sostible do territorio, tendo en conta a biorrexión do Barbanza como caso práctico.
Nesta fase do Laboratorio, o Fundación RIA e Histagra colaboraron na realización de máis de quince entrevistas aos habitantes de Laíño (Dodro), Froxán (Lousame) e Baroña (Porto do Son) para coñecer que usos se facían nestes lugares, que deixaron de realizarse e que dificultades impediron a súa continuidade. Na fotografía aparece a entrevista a Manuel Lorenzo Baleirón, catedrático de xeografía e historia de Dodro e autor do libro "Toponimia de Dodro e Laíño. Os nomes na auga".