Reforzando a súa relación, o Instituto de Estudos do Territorio, organismo autónomo vinculado á Consellería de Medio Ambiente e Ordenación do Territorio, e a Fundación RIA Asinaron un protocolo de colaboración para o desenvolvemento de actividades relacionadas coa investigación e a divulgación no ámbito do territorio e da paisaxe.
O protocolo facilitará que as dúas institucións compartan experiencias, ideas e informacións que beneficiarán o territorio da Ría de Arousa e a comarca do Barbanza, así como os territorios que conforman as rías atlánticas de Galicia.